اذا عندكم بنان وحرتو شتعملو بيه ننصحكم جربو وصفة الكيك هذا طري كله بنة ومنفعة نشالله يعجبكم
المكونات:
- 2 بنان طري
- 180غ سكر محور
- 100غ زبدة
- 2 بيض
- 180مل حليب
- 300غ فارينة
- م.صغيرة خميرة ڨاتو
- ربع م.صغيرة بيكاربونات صودا
- فانيليا
- اول حاجة نخلطو بالخلاط الزبدة و السكر حتى يوليو كي الكريمة
- بعد نزيدو بالعضمة بالعضمة و الفانيليا
- بعد نفتفتو البنان بالفرشيطة و نصبوه
- نخلطو الفارينة و الخميرة و البيكاربونات في صحفة وحدهم
- نحطو عالخليط الاول شوية فارينة و شوية حليب شوية فارينة شوية حليب حتى توفا الكمية الي عندنا
- تنجمو تقسمو الخليط على 2 تزيدو لواحد منهم زوز مغارف كبار كاكاو و مغرفتين حليب
- تنجمو تصبوه في القالب كيما هو من غير كاكاو.
- حطوه في الفور على 1800 درجة حتى تحمار من فوق
