ڨاتو ب بسكوي سيدة و كرام موسلين بالبفريوة – خبزة الهواء

 

 وصفة اليوم ڨاتو ب بسكوي سيدة و كرام موسلين بالبفريوة، إلّي نسميوها خبزة الهواء ببسكويت سيدة، بطريقة جديد.

للكرام موسلين بالبفريوة #hana_cuisine

  • 500 مل حليب
  • 100غ سكر
  • 50 غ poudre à crème ولا نشاء
  • 4 اصفر بيض
  • 300غ زبدة طرية
  • 200غ بفريوة مجمرة و مرحية حتى تولي عجينة و تقر زيتها

المراحل:

  1. خلي الحليب يسخن و في نفس الوقت ركض اصفر العضم و السكر و ال poudre à crème حتى يولي الخليط ابيض.
  2. صب الحليب السخون عالخليط السابق و حرك بالباهي و بعد رجع كل شي عالنار مع التحريك المستمر حتى تولي كريمة حاضرة.
  3. غطيها بfilm alimentaire وخليها في الفريجدار حتى تبرد.
  4. وقت تبرد خرجها و ركضها بالباهي و زيد عليها عجينة البفريوة.
  5. بعد زيد الزبدة الطرية بالشوية بالشوية و قوي في سرعة الbatteur.
  6. تنجم تعمل كان الكرام موسلين بين طبقات البسكوي انا عملت طبقة mousse au chocolat في الوسط( تلقاو روساتها في القاتو 100% chocolat الي حضرتها قبل القاتو هذه )
  7. غطس بسكوي سيدة في قهوة و بين كل طبقة حطو الكرام الي حضرتوها.
  8. دخلها للكنجلاتور بين 6 -7ساعات.

@hana_cuisine

مقادير ال crumble : 

  • 70غ بفريوة
  • 70غ فارينة
  • 70غ سكر محور
  • 70غ زبدة طرية
  1. خلط كل المكونات بيديك حتى تتخلط الزبدة بالمكونات الكل.
  2. حط الكرامبل على papier cuisson و دخلو للفور على 200° لمدة 15-20دق .
  3. خليه يبرد بالباهي و فتفتو بيديك و حطو فوق الڨاتو و رش عليه سكر محور.

#hana_cuisine
انشالله تكون عجبتكم #hana_cuisine

Commentaires