روسات هذه تهبببببببل نشالله تجربوها و قولولي رايكم
ما تنساوش باش تشوفو بقيّة الوصفات الموجودة على الصفحة، الوصفات تحضيرها ساهل وبرشة وصفات مراحلها بالصور. إذا عجبتك الوصفة أعمل جام وبرتاج، واذا جربتها صورها وحطّ التصويرة في التعاليق.
للعجينة:
250غ فارينة ( دقيق)
ملح
مغرفة صغيرة سكر
باكو خميرة خبز
30غ زبدة
حليب دافئ للعجن
للحشو:
300غ لحم مفروم
1 بصل متوسطة الحجم
فص ثوم
1 فلفل أخضر حلو
ملح – فلفل أسود – كركم
زيتون
معدنوس
جبن موزاريلا
جبن شيدار
الطريقة خطوة خطوة ومقادير الحشو في الصور، نشالله بالشفاء
نحضرو المكونات الكل
نخلطو الفارينة مع الملح مع السكر مع الخميرة
و نحطو الزبدة و ندخلوها بيدينا مع باقي المكونات
حتى يولي هكا
و بعد نصبو الحليب الدافئ بالشوية بالشوية حتى تولي عندك عجينة طرية
و نخليوها تخمر ساعة
في الوقت هذا نحضرو الحشو 300غ لحم مفروم -بصلة صغيرة – 1 فلفل – زيتون- معدنوس-موزاريلا-1 ثوم- جبن شيدار
نذوبو الزبدة مع شوية زيت
نذوبو البصل
و نزيدو الفلفل
و اللحم
و الثوم
نحطو الفاحات متاعكم انا حطيت ملح و فلفل اكحل و كركب
و نزيدوه شوية ماء
و نستناوه حتى ينشف و بعد نزيدوه المعدنوس
بعيد عالنار نزيدو الزيتون
نقسمو العجينة على اثنين
و نحلو وحدة منهم حتى تولي جيدة
و حطوها في المول متاعكم
نحطو الحشو الكل
نزيدو الجبن
نحلو النصف الثاني متاع العجينة و نغطيو بيها اللحم
ننقبوها
و ندهنوها باصفر العضم و نرشو من الفوق شوية سينوج و بسباس و جلجلان
