نشالله الوصفة تعجبكم
المقادير:
تارت Tarte:
*La recette d’Hervé cuisine*
- بيضة
- 50غ سكر محور
- 50 سكر عادي
- 250غ فارينة
- 150غ زبدة طرية
- رشة ملح
- الخطوات: ركض العضم مع السكر بالباهي وبعد زيد الفارينة خلط باطراف صوابعك وما تعجنش وبعد زيد الزبدة الطرية وحاول اتدخلها وحدة وحدة من غيييير ما تعجن و خليها ساعة في الفريجدار. و بعد حلها بين زوز papiers cuisson وحطها في القالب و دخلها في فور مسخن من قبل على 180°.
للكريمة Crème:
- 5 اصفر بيض
- 60غ نشاء
- 100غ سكر
- 500مل حليب
- سكر فانيليا
- 50غ زبدة
- حط الحليب يغلي ركض العضم و السكر وسكر الفانيليا وبعد زيد النشاء و كمل ركض بعد صب عليهم الحليب وحدة وحدة و رجعهم عالنار و حرّك حتى تخثر و تولي كريمة. زيد 50غ زبدة طرية و غلفها و خليها في الفريجدار حتى تبرد.
كي تبرد الكريمة صبها فوق التارت و تكون هي زادة باردة و زينها بالغلة الي تحب عليها. و صحة و بالشفاء.
