الروسات خذيتها من هذه الباج
ما تنساوش باش تشوفو بقيّة الوصفات الموجودة على الصفحة، الوصفات تحضيرها ساهل وبرشة وصفات مراحلها بالصور. إذا عجبتك الوصفة أعمل جام وبرتاج، واذا جربتها صورها وحطّ التصويرة في التعاليق.
المقادير:
للجنواز:
- 100غ سكر
- 4بيض
- 100غ فارينة(دقيق)
- نركضو العضم و السكر حتى يتضاعف الحجم و الخليط يبياض.
- نزيدو الفارينة علب مرتين و نخلطو بالشوية نحطوها في الفور يكون مسخن من قبل على 180°.
- كيف تطيب نطفيو الفور و نخليوها ربع ساعة في وسطو باش ما تطيحش.
لل Crème mousseline
- 500مل حليب
- 100غ سكر فانيليا
- 50غ نشاء
- 6 أصفر عضم (بيض)
- 250غ زبدة
- 2 ملاعق كبار pâte de pistache (الوصفة خذيتها من هنا)
- نغليو الحليب نركضو السكر و اصفر العضم و نزيدو عليه النشاء.
- نصبو عليهم الحليب السخون بالشوية بالشوية و بعد نرجعوهم عالنار حتى يولي عندك crème.
- نزيدو 50غ زبدة و نغطيوها بال (papier sulfurisé (cuisson و نخليوها تبرد في الفريجدار.
- ناخذو 200غ زبدة طرية و نركضوها شوية و نزيدوها ال crème pâtissière الي حضرناها على مرتين و ماذابيهم يكونو عندهم نفس درجة الحارة باش ما الكرام متدبلش. و بعد نزيدوهم زوز مغارف pâte de pistache.
بالنسبة لل montage حطيت المراحل في التصاور. صحة و بالشفاء
