المكونات لل Biscuit à russe :
- 100غ بوفريوة en poudre
- 100غ سكر محور
- 40غ فارينة
- 5 ابيض عضم
- 80مل حليب
- رشة ملح
- ركض ابيض العضم بالباهي و وقت يبدا يولي كي الموس ولا كي الرغوة صب عليه بالشوية السكر و رشة ملح و كمل ركض حتى يشد روحو بالبااااهي.
- في صحفة اخرى خلط البفريوة و الفارينة و الحليب و بعد زيدهم على ابيض العضم وحدة وحدة حرك من فوق للوطا من غير ما تركض.
- صبها على طبق الفور و لاززززم يكون فيه papier cuisson.
- و خليها تطيب على 180° تقريبا 15دق و خليها تبرد.
مكونات crème au beurre praliné:
1-اول حاجة نحضرو Pralin:
- 100غ بوفريوة
- 70غ سكر
- نحطو السكر يذوووب على نار خفيفة. و بعد نصبو البفريوة و نحركو بالباهي حتى نحسو لونها بدا يتبدّل.
- وبعد نصبوها على papier aluminium و نخليوها تبرد حتى تولي يابسة بالباهي.
- و بعد حطوها في mixeur و ارحيها برشا برشا تو تتحصل على حاجة تقريبا سايلة.
2-نحضرو crème au beurre :
- 150غ سكر
- 80مل ماء
- 5 اصفر عضم
- 200غ زبدة طرية
- اول حاجة نحطو السكر والماء عالنار يغليو حتى يولي تقريبا كي العسل (لازمو خاثر شوية باش الكريمة ما تجيش سايلة)
- و بعد نركضو اصفر العضم و نصبو عليه السكر الي تحصلنا عليه بالشويييبة وركض في نفس الوقت حتى يولي عندك خليط تقريبا ابيض و بارد.
- وبعد زيد الزبدة الطرية وحدة وحدة حتى تولي عندك كريمة.
اخر حاجة زيد الpralin الي حضرتو عالاول.
وخليها في الفريجدار الوقت الي مش تقص فيه ال biscuit الي حضرتو.
انا صورت 4 مربعات و قصيتهم بالسكين و بعد حطيتهم فوق بعضهم و بيناتهم بالطبيعة كريمة و زينها مالفوق بالكريمة و كعبات بوفريوة.
وصحة و بالشفاء
