Site icon Hana Cuisine

Entremet chocolat noisette

Hana

Entremet chocolat noisette
انشالله تعجبكم
مكونات biscuit noisette :

الخطوات: ركض ابيض العضم بالباهي و وقت يبدا يولي كي الموس ولا كي الرغوة صب عليه بالشوية السكر و رشة ملح و كمل ركض حتى يشد روحو بالبااااهي. في صحفة اخرى خلط البفريوة و الفارينة و الحليب و بعد زيدهم على ابيض العضم وحدة وحدة حرك من فوق للوطا من غير ما تركض.صبها على طبق الفور و لاززززم يكون فيه papier cuisson. و خليها تطيب على 180° تقريبا 15دق و خليها تبرد.

مكونات crème au beurre praliné:
اول حاجة نحضرو pralin:

الخطوات: نحطو السكر يذوووب على نار خفيفة. و بعد نصبو البفريوة و نحركو بالباهي حتى نحسو لونها بدا يتبدّل. وبعد نصبوها على papier aluminium و نخليوها تبرد حتى تولي يابسة بالباهي. و بعد حطوها في mixeur و ارحيها برشا برشا تو تتحصل على حاجة تقريبا سايلة.

مكونات الcrème au beurre :

الخطوات: اول حاجة نحطو السكر والماء عالنار يغليو حتى يولي تقريبا كي العسل (لازمو خاثر شوية باش الكريمة ما تجيش سايلة) و بعد نركضو اصفر العضم و نصبو عليه السكر الي تحصلنا عليه بالشويييبة وركض في نفس الوقت حتى يولي عندك خليط تقريبا ابيض و بارد. وبعد زيد الزبدة الطرية وحدة وحدة حتى تولي عندك كريمة و زيد الpralin الي حضرتو من قبل

مكونات الmousse au chocolat:

الخطوات:

  1. نسخنو الحليب و الكرام
  2. نركضو اصفر العضم و السكر و نصبو عليهم الحليب و الكرام و نرجعوهم عالنار و حرك حتى تخثر شوية
  3. و نصبوهم عالشكلاطة و نزيدو الجيلاتين و بعد حركهم وخليهم يبردو
  4. كي تبرد بالباهي ركض الكرام liquide و زيد عليهم الكرام الي. حضرتها و خليهم في الفريجدار.

مكونات الcrunch:

التركيب montage

نحطو في قالب مدوّر 20 سنتمتر (moule 20cm) بالترتيب:

  1. Cercle de Biscuit
  2. Crème au beurre
  3. le déchet du biscuit
  4. Mousse au chocolat
  5. Cercle de Biscuit
  6. Une petite couche de crème au beurre

و نخليوهم في الفريجدار ليلة كاملة و كي تخرجها حط الCrunch
صحة و بالشفاء

Commentaires