طاجبن الباي هو اكلة تونسية بنينة برشا تودوا بيه رواحكم والناس الي تحبوهم تحضيرو مش صعيب برشا اما ياخذ شوية وقت خاطرو متكوّن من 3 طبقات الي هوما لحم مفروم / سبناخ / ريكوتا او فروماج و كل طبقة لازم ادخلها للفور وحدها حتى تطيب.
مكونات الطبقة الاولى:
- 500غ لحم مفروم
- 1 بصل متوسطة الحجم
- ملح-فلفل اسود-كركم
- جبن موزاريلا
- 4 بيضات
طريقة التحضير: تذبل البصل مع شوية زيت عالنار ثم تحط اللحم المفروم وتحط الملح والفلفل الاسود والكركم و شوية ماء تخليه عالنار حتى ينشف الماء وبعيدا عالنار تحط الجبن والبيض.
مكونات الطبقة الثانية:
- 400غ سبناخ مفروم ناعم
- شوية معدنوس ( بقدونس) مفروم ناعم
- 1 بصل صغير
- ملح-فلفل اسود
- جبن مزاريلا
- 3 بيض
طريقة التحضير: تذبل البصل مع شوية زيت عالنار ثم تحط السبناخ والملح والفلفل الاسود حتى يذبل و ينشف من الماء الي يخرجه وبعيدا عالنار نحط المعدنوس والبيض والجبن.
مكونات الطبقة الثالثة:
- 300غ جبن من نوع فيلادلفيا ولا فريدو أو ريكوتا
- 3 بيض
- فلفل اسود
طريقة التحضير: تخلط كل المكونات مع بعض جيدا حتى يتجانس الخليط.
