اليوم جبتلكم دجاجة محشية بالروز والدجاج انتوما تنجمو تحطو الحشو الي تحبو عليه فما الي يحب لحم مفروم فما الي يحب خضرة وفما الي يحب روز كهو وتنجمو زادا تعملوها من غير حتى شي تجيكم بنينة برشا نشالله تجربوها وتعجبكم.
بالنسبة لتتبيلة الدجاج:
- نصف ملعقة صغيرة ملح
- نصف ملعقة صغيرة فلفل اسود
- نصف ملعقة صغيرة كركب
- نصف ملعقة صغيرة تابل ( كزبرة)
- شوييييية فلفل احمر للون
- ملعقة صغيرة مستردة ( moutarde)
- 4 ثوم مفروم
- عصير ليمون
- اكليل وزعتر
بالنسبة للحشو:
- 1 بصل شرائح
- فطر ( champignon)
- صدر دجاج مفروم او مقطع
- معدنوس
- زيتون
- ملح-فلفل اسود-كركب-ثوم
الخطوات
- نقلي البصل في شوية زيت بعد نحط الفطر ثم الدجاج و نحطو الملح والفلفل الاسود والكركب والثوم.
- وقت الدجاج يتقلى بالباهي نحطو نصف كاس روز و كاس ماء و نطيبوه نص طياب.
- وقت قريب يطيب نحطو المعدنوس. و بعيد عالنار نحطو الزيتون.
- نخلطو تتبيلة الدجاج الكلها و ندهنوها بالباهي تحت الجلد و بعد نحطو الروزفي وسط الدجاجة و كان تحبو زيدو شوية بطاطا و بصل و ليمون في الطبق و دخلوها الفور على 200 درجة ساااعة كاملة باش تطيب بالباهي. وصحة وبالشفاء
