جبتللكم جنواز ناااااجحة 100% وقبل كل شي نحب نعطيكم شوية نصائح باش تنجحلكم.
- لازم العضم مش من الفريجدار ويكون بدرجة حرارة الغرفة .
- الفارينة لازم تكون مغربلة ( Tamisée).
- ابيض العضم ما لازمش تطيح فيه حتى قطرة من الاصفر ولا من الماء خاطر ماعادش يطلعلك
- وقت تزيدو الفارينة ما لازمش تحركو بالقوي لازم بالشوية و من فوق لتحت.
- لازم الفور يكون مسخن من قبل على 180درجة مش اقل باش ما تجيكش شايحة ومش اكثر باش ما تطيبش من برة وتقعد نية من داخل.
- وقت تطيب ما تخرجوهاش طول من الفور وخليوها شوية الداخل والفور مطفي باش ما تطيحش وتتفش.
- خليوها تبرد بالباهي قبل ما تقصوها باش تجيكم مستوية.
بالنسبة للمكونات ساهلة وموجودة في كل دار:
انا استعملت قالب مدور (25سم) اذا القالب متاعكم اكبر تنجمو تزيدو في المقادير.
- 5 بيض
- 125غ دقيق
- 125غ سكر
- 1فانيليا
في الوصفة ما فماش خميرة مرطبات و اذا تحبوها بالكاكاو حطو 100غ فارينة فقط و 25غ كاكاو
الخطوات في الصور