الجنواز Génoise
- 5 بيض
- 125 سكر
- 100 فارينة
- 25 كاكاو
- افصل الابيض عالاصفر و ركض الابيض حتى يولي كي الموس و زيد السكر وبعد زيد الاصفر و اخر شي زيد الفارينة و خلط بالشوية من فوق لتحت و صبها في قالب (25cm) و طيبها في فور يكون مسخن من قبل على 180° لمدة 20دق.
- خليها تبرد بالباهي و احسن حاجة تطيبها قبل بنهار باش ترتاح بالباهي و ما اتعبكش في القصان.
- قسم الجنواز على 3 و بين كل وحدة مش نحطو الكريمة.
للكريمة: crème mousseline noisette
الكريمة هي مزيج من: 160g crème pâtissière – 540g crème au beurre
كل كريمة منهم نعملوها وحدها وفي اللخر نخلطوهم مع بعضهم.
1-الكرام باتيسيار Crème pâtissière:
- 140غ حليب
- 17غ نشاء او كريمة بودر
- 15غ سكر
- طيبهم عالنار حتى تخثر و خليها تبرد بالباهي
2-ال Crème au beurre:
- 90غ حليب سخون
- نصبوهم على
- 70غ اصفر عضم
- 90غ سكر
- و نطيبوهم عالنار مع التحريك حتى توصل الحرارة ل85درجة.
- وقت يبرد زيدهم 250غ زبدة طرية+ 160غ بوفريوة بودر.
- بعد نزيدو عليهم meringue italienne : اولا :
- نحضرو 60غ سكر و 40غ ماء و نخليوهم عالنار حتى يطيبو (وقت تاخو قطرة تولي كورة بين صوابعك)
- بعد صبهم على 30غ ابيض عضم مخفوق (blanc en neige).
في الاخر زيد هذا الكل عال crème pâtissière (الي خليناها تبرد) و و حركهم بالشوية حتى يتخلطو بالباهي.
الكريمة الي دهنت بيها القاتو من برا و زينت بيها من فوق عملت 200غ شكلاطة و 200مل كريمة سائلة. اول حاجة سخنو الكريمة بعدوها من النار وصبو الشكلاطة خليوها 5 دق و بعد حركوها حتى تذوب الكل غطيوها ولصقو ال film alimentaire عليها بالضبط وخليوها في الفريجدار ليييييلة كاملة و من غدوة ركضوها حتى تولي كريمة شادة روحها بالبااااهي
