الfondant au chocolat حاجة ساهلة برشا و مكوناتها ساهلة وفيسع يحضر والسر باش تجيكم من الوسط كيما تشوفو في التصاور هو الوقت الي تخليوها في الفور وزادا تتخليوها في ال congélateur ساعة قبل ما تطيبوها. نشالله تجربوها وتعجبكم.
المكونات:
- 2 بيض
- 50غ سكر
- 100غ زبدة
- 100غ شكلاطة
- 30غ فارينة (دقيق)
المراحل:
- اول شي سخن الفور على 200 درجة
- ذوب الشكلاطة هي والزبدة في حمام مائي ولا في المكرواند و حطهم يبردو
- خلط السكر مع البيض و زيدهم خليط الزبدة والشكلاطة
- اخر شئ زيد الفارينة
- ادهن قوالب صغار بالزبدة وعبيهم وخليهم في congélateur ساعة وبعد دخلوهم للفور على 200 درجة بين 10 و 12 دق.
- وقت تخرجهم رش عليهم السكر المحور وصحة وبالشفاء و تنجمو تقدموهم مع de boules de glacee .
