الوصفة هذه عالاول ماكنتش بش نسميها بريوش قلت خبز محشي/ سندويتش رولاي… اما وقت الي حضرت و ذقتها العجينة تشبه بالظبط البريوش الي نشريوه من برة عجينة طرية طرية طرية و خفيفة و رطبة تهببببل تذوب في الفم.
للحشو انا عملت حاجة عادية اما مشخشخة و حرة ههه عملت تن و هريسة و عضم و جبن موزاريلا و شيدار و بطاطا purée و زيتون.
انتم تنجمو تعملو لحم مفروم / اسكالوب اي حاجة على ذوقكم كيما تنجمو تشكلو لعجينة كيما تحبو ولا تستعملوها في حاجات اخرين.
انشالله تجربوها و تقولولي رايكم .
المقادير للعجينة:
- 500غ فارينة
- 50غ زبدة طرية
- 1 خميرة
- 170غ ياغرت طبيعي ( زبادي)
- 2 ملاعق صغيرة سكر
- ملح
- ماء دافئ للعجن تقريبا 200مل
مكونات الحشو:
هريسة – تن – بيض مسلوق – جبن موزاريلا و شيدار – تن – زيتون – بطاطا مسلوقة
الخطوات في الصور
