جيب التاجر هي وصفة ساااهلة و فكرة جديدة باش نستغلة الtoast او pains de mie في الطعم يشبه برشا الفريكاساي جربوه والله بنين برشا و فكرة حلوة تودوا بيها رواحكم نشالله تعجبكم.
المكونات:
- كيس توست ( pain de mie)
- بيض مخفوق
- chapelure ( خبز مطحون)
للحشو:
هريسة – زيتون – املات – خس – طماطم – تن – جبن موزاريلا او شيدار- او اي شئ على ذوقكم
طريقة التحضير :
- خوذوا كعبتين توست و خليوهم فوق بعضهم قصوا الاطراف و حلوهم بالقلقال حتى يوليو جواد ويلصقو في بعضهم و قصهم على شكل دائرة
- غطسوهم في العضم و بعد في ال chapelure و اقليوهم في الزيت
- كي يحضروا قصوهم بالمقص على اثنين تو تلقاها فارغة من داخل وتنجم تحط الحشو الي تحب عليه
صحة وبالشفاء
